Денсаулық сақтау министрлігі мен Pfizer компаниясы арасындағы келісімшарт бойынша жанама алып сатуға тыйым салынған.
ERNUR.KZ. Денсаулық сақтау вице-министрі Жандос Бүркітбаев коронавирусқа қарсы Pfizer вакцинасы неліктен ақылы түрде салынбайтынын түсіндірді, деп жазады sputnik.kz.
"Өкінішке қарай, Pfizer бізге ақылы вакциналауға рұқсат бермей отыр. Компания екпені алып сату жағдайлары көбейіп кетеді деп санайды. Ал денсаулық сақтау министрлігі мен Pfizer компаниясы арасындағы келісімшарт бойынша жанама алып сатуға тыйым салынған. Сол себепті ақылы вакциналау мүмкін емес деген шешімге келдік", - деді Бүркітбаев орталық коммуникациялар қызметінде өткен онлайн брифингте.
Осы орайда вице-министр ведомствоаралық комиссияның ревакцинацияға қатысты соңғы шешімін жариялады.
"Комиссия мүмкіндігі шектеулі азаматтарға және 50 жастан асқан адамдарға ревакцинация жасау туралы шешім қабылдады", - деп атап өтті Бүркітбаев.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
