Полиция қызметкерлеріне балағат сөз айтқан азаматтың кінәсі дәлелденсе, оған 80 АЕК дейiнгi мөлшерде айыппұл салуға не сол мөлшерде түзеу жұмыстарына тартылады.
ERNUR.KZ. Қызылорда қаласында полиция қызметкерлеріне балағат сөздер айтқан жігіттің үстінен қылмыстық іс қозғалды, деп хабарлайды «Хабар 24».
Полиция қызметінің кезекші бөліміне «Арай» мөлтек ауданында екі азаматтың қоғамдық тәртіп бұзғаны жөнінде хабарлама келіп түсті. Оқиға орнына келген полицейлерді жедел жетті. Онда Қызылорда қаласының 30 жастағы тұрғыны заң талабына бағынбай, полиция қызметкерлеріне ар-намысына тиетін балағат сөздер айтқан.
«Аталған дерек бойынша ҚР Қылмыстық кодексінің 378-бабының 1-бөлігімен сотқа дейінгі тергеп-тексеру басталды. Онда билік өкiлiн өз қызметтiк мiндеттерiн атқару кезiнде немесе оларды атқаруына байланысты қорлау жағдайы көрсетілген. Қазіргі уақытта қылмыстық іс материалдары электрондық форматта сотқа жолданды», – деді Қызылорда облыстық полиция департаментінен.
Полиция қызметкерлеріне балағат сөз айтқан азаматтың кінәсі дәлелденсе, оған 80 АЕК дейiнгi мөлшерде айыппұл салуға не сол мөлшерде түзеу жұмыстарына тартылады. Сонымен қатар оған қоғамдық жұмыстарға тартуылуы, 20 тәулікке дейінгі мерзімге қамауға алу жазасы тағайындалуы мүмкін.
