Көлік құралы тоқтатылған соң да жүргізуші көліктен түспестен қашып құтылмақ болып патрульдік полиция инспекторының оң аяғын басып кетіп, жол бойындағы бірнеше автокөлікке авариялық жағдай тудырып жүріп өткен.
ERNUR.KZ. Полиция қызметкеріне қарсылық танытқан көлік жүргізушісі қамауға алынды, деп жазады sputnik.kz.
17 қараша күні сағат 11:45 шамасында Атырау-Орал тасжолының 183 шақырымында DALMLERCHR SLER автокөлігінің жылдамдық асырғаны анықталған. Алайда аталған көлік жүргізушісі патрульдік полиция инспекторларының заңды талабына бағынбай, нәтижесінде Индербор кентінен қызметтік көліктердің алдын бөгеуімен тоқтатылған.
Көлік құралы тоқтатылған соң да жүргізуші көліктен түспестен қашып құтылмақ болып патрульдік полиция инспекторының оң аяғын басып кетіп, жол бойындағы бірнеше автокөлікке авариялық жағдай тудырып жүріп өткен. Заңды талапқа бағынбаған жүргізуші көлігінің дөңгелегіне екі мәрте және инспектор ескерту мақсатында аспанға екі реттен оқ атқан.
Аталған көлік тас жол бойынан тоқтатылып, ұсталды. 1989 жылғы жүргізушісі медициналық сараптамадан өткізіліп мас күйде емес екендігі анықталды. Ол көліктің өзінікі емес екендігін айтып ақталған.
Жүргізушіге қатысты ӘҚБтК-нің 592-бабы 2 бөлігімен, 601-бабы 1 бөлігімен, 606-бабы 1 бөлігімен, 613-бабы 1 бөлігімен хаттама толтырылды. Сондай-ақ, Қылмыстық кодексінің 380-бабы 3 бөлігімен, яғни билік өкіліне қатысты қорқыту немесе күш көрсету әрекеттері бойынша қылмыстық іс тіркеліп, күдікті қамауға алынды.
![](/assets/thumbnails/fc/fcedc35667602f07cf96503aaae0adac.jpeg ""Бір баласынан БАСПАНАСЫН ТАРТЫП алып, екіншісіне СЫЙЛАДЫ"")
