Ішкі істер министрлігінің өкілдері қоқан-лоқы бойынша жәбірленуші тараппен сөйлескен.
Фото: Видеоданскрин/Бауыржан Әленов
ERNUR.KZ. Арнайы брифингте Ішкі істер министрінің бірінші орынбасары Бауыржан Әленов қаскөйлердің қолынан қаза тапқан 16 жастағы Шерзаттың әкесі мен жақындарына қоқан-лоқы көрсетіп, қорқытқандарға қылмыстық іс қозғалғанын айтты, деп жазады stan.kz.
“Бұл дерек бойынша қылмыстық іс қозғалды. Қылмыстық іс аясында әділ тергеу жүргіземіз”, – деп уәде берді ведомствоның ресми өкілі.
Бауыржан Әленовтың айтуынша, Ішкі істер министрлігінің өкілдері қоқан-лоқы бойынша жәбірленуші тараппен сөйлескен. Осыған қатысты 15 қазан, яғни бүгін жауап алу жоспарланды. Жауап алу барысында Шерзаттың әкесі Қаржаубайға кімнің қоқан-лоқы жасағаны анықталмақ.
“Әкесімен, адвокатпен жеке кездескенде ол “Иә, маған, менің жақындарыма біреулер келген болар” деп айтты. Бірақ ол кімнің нақты келгенін айтпады”, – дейді Бауыржан Әленов.
![](/assets/thumbnails/9d/9d3292c9cc75f61cd2e43307c749355b.jpg ""Келінім қайнымды шық бермес Шығайбай қылды"")
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
