"Сақалдыны Шерзатпен шатастырдым": сотталушы Шыңғыс Белғожақовтан жауап алынды

0
140

Ол пышақты Қаржаубайды қорқыту үшін алып шыққанын айтты.


фото: Sputnik

ERNUR.KZ. Бүгін екінші тыңдалымда сотталушы Шыңғыс Белғожақовтан жауап алынды. Ол тергеушілерден қысым көргенін айтады, деп жазады sputnik.kz.
Белғожақов сотта Шерзатты мылтық атқан сақалды біреумен шатастырғанын айтты.
"Бізге Қаржаубай пышақпен ұмтылды. Оның қолында кішкентай емес ас үйдің пышағы болды", - дейді сотталушы.
Оның айтуынша ол Шерзатты шатастырып алған.
"Мылтық атқан сақалды адамды ұрам деп Шерзатты ұрыппын. Бұған дейінге жауап алғанда не айтқаным есімде жоқ. Тергеушілер тарапынан қысым көрдім", - дейді Белғожақов.
Ол мылтықты сақалдыдан жұлып алып лақтырғанын, ал пышақты Қаржаубайды қорқыту үшін алып шыққанын айтты.
Еске салай кетейік, Шерзат Полаттың өліміне қатысты сот отырысы тікелей эфирде өтіп жатыр. 9 сотталушының біреуі кәмелетке толмаған.