Маусым ашылғаннан бері самокат жүргізушілері 1,5 мың рет жол ережесін бұзған.
фото: Sputnik / Владислав Воднев
ERNUR.KZ. Самокат жүргізушісі жаяу жүргіншілердің қозғалысына қауіп төндірмеуі керек. Егер олар жол қозғалысы ережесін бұза берсе, белгіленген тәртіппен тіркеуге тура келеді. Бұл туралы Ішкі істер министрлігінің әкімшілік полиция комитетінің төрағасы Қайсар Сұлтанбаев баспасөз конференциясында мәлім етті, деп жазады sputnik.kz.
Оның айтуынша, маусым ашылғаннан бері 1,5 мыңға жуық бұзушылық анықталған. Электр скутерлерін пайдаланушылардың қатысуымен тіркелген жол апаты мен зардап шеккендер бар.
"Электросамокаттардың жүргізушілері велосипед жолымен, ал ол болмаған кезде жолдың жүру бөлігінің оң жақ жиегімен, оның ішінде маршруттық көлік құралдарына арналған жолақпен қозғалады. Жүру бөліктеріне жүргізуші куәлігі бар және міндетті түрде мотошлем киген 18 жастан асқан адамдар жіберіледі. Тротуарда жүруге рұқсат етіледі, бірақ бұл жерде жаяу жүргіншінің тротуарда басымдыққа ие екендігіне назар аударғым келеді, яғни электросамокаттардың жүргізушісі жаяу жүргіншілердің қозғалысына қауіп төндірмеуі керек", - деді Сұлтанбаев.
Сонымен қатар электросамокат жүргізушілеріне рульді бір ғана қолымен ұстауға, жүктер мен жолаушыларды тасымалдауға, басқа көлікті сүйреуге, тәуліктің қараңғы уақытында жарық шағылыстыратын затсыз жүруге тыйым салынады.
"Егер электроскутерлер жол қозғалысы ережелерін бұзуды жалғастыра берсе, біз оларды белгіленген тәртіппен тіркеуге және оларды жүргізетіндердің куәлігі болуын талап етуге тура келеді", – деді Сұлтанбаев.
Ол электр скутерлері мәселесі бойынша басқа елдердің тәжірибесін ескеру және ең алдымен оларға үлкен сұраныс бар аудандарда жеке жолдар салу қажет екенін айтты.
