Шерзат ісі: сот залындағы күмәнді диалог тікелей эфирге түсіп қалды

0
145

21 мамырда сотталушы Абзал Шынасыл сотта жауап берген болатын.


Шерзат ісі: сот залындағы күмәнді диалог тікелей эфирге түсіп қалды

Жоғарғы сот/видео кадры

ERNUR.KZ. Шерзат Болат (Полат) ісі бойынша басты айыпталушы Абзал Шынасылдан жауап алынған сот отырысында тікелей эфирге түсіп қалған күмәнді диалог әлеуметтік желілерде қызу талқыланып жатыр, деп жазады tengrinews.kz.

Сот отырысы аяқталғаннан кейін, сотқа қатысушалыр тарай бастаған сәтте эфирде келесі диалог естілді:

– Көзіме жас келе жаздады, дұрыс сөйледім бе?
– Саған көп сұрақ қоймайды, уайымдама, сөйлесіп қойғанмын.

Диалог кімдердің арасында болғаны белгісіз. Алайда желі қолданушылары бұл әңгімеге айыпталушылар мен олардың қорғаушыларының қатысы бар деп болжаған.

Еске салайық, 21 мамырда сотталушы Абзал Шынасыл сотта жауап берген болатын. Ол кәмелетке толмаған Шерзаттың өліміне қатысты жалғыз айыпталушы. Алайда сот барысында ол жасөспірімді өлтіргенін мойындаудан бас тартты. Оның айтуынша, оларды полиция ұстаған кезде, айыпталушылар Шерзаттың өлімін кім мойнына алатынын келіскен көрінеді.