Шерзат Полаттың өлімі: сотқа дейінгі тергеу аяқталуға жақын

Қажетті тергеу әрекеттері жүргізіліп, барлық күдіктілер ұсталды.

"Қазіргі уақытта сараптама нәтижелері күтілуде. Сараптама қорытындысынан кейін іс процестің қатысушыларына танысу үшін беріледі. Сонымен қатар К. Нұрымовтың үйін өртеу және Н. Ғайыпбаевтың өз-өзіне қол жұмсауы бойынша қылмыстық істерді тергеуді Бас прокуратура тікелей бақылауға алған', - делінген хабарламада.

Прокуратура қоғамды жалған ақпарат таратудан аулақ болуды ескертіп, уәкілетті органдардың тек ресми мәлімдемелеріне сенуге шақырды.