Талдықорғанда 23 көпбалалы отбасы баспаналы болды

0
233

Жыл басынан бері әлеуметтік осал топтағы 125 отбасы тұрғын үймен қамтамасыз етілді.


Талдықорғанда 23 көпбалалы отбасы баспаналы болды

фото: акимат Жетысуской области

ERNUR.KZ. 8 Наурыз мерекесі қарсаңында Талдықорған қаласында тұрғын үй кезегінде тұрған 23 көпбалалы отбасыға "Береке" коттедж қалашығынан баспана берілді, деп жазады sputnik.kz.

"Береке" коттедж қалашығында тағы 107 коттедждің құрылыс жұмыстары жыл соңына дейін толық аяқталады деп жоспарлануда.

"Бүгінгі күні Талдықорған қаласы бойынша 15 мыңнан астам адам тұрғын үй кезегінде тұр. Соған сәйкес бүгінде халықты баспанамен қамту жұмысы қарқынды түрде жүзеге асырылып келеді. Тұрғын үй салу жұмыстарын өткен жылдарға қарағанда екі есеге ұлғайтып жатырмыз. Жыл сайын шамамен 1500-ге жуық баспананы қолданысқа беретін болсақ, тұрғын үй кезегін барынша азайтамыз", - дейді қалалық тұрғын үй қатынастары бөлімінің басшысы Танат Төлеуғалиұлы.

Талдықорған қаласы әкімдігінің мәліметіне қарағанда, осы жылдың басынан бері әлеуметтік осал топтағы 125 отбасы тұрғын үймен қамтамасыз етілді. Ал жыл соңына дейін баспана берілетін отбасылардың саны 1400-ден асады деп межеленген.