Президент "бұл – халықаралық озық тәжірибе" екенін атап өтті.
ERNUR.KZ. Мемлекет басшысы Қасым-Жомарт Тоқаев Астанада өтіп жатқан Digital Bridge форумында сөз алып, жасанды интеллектіні қолдану аясын және оны дамытудың міндеттері мен құралдарын айқындайтын стратегиялық құжат қабылдау қажет екенін алға тартты, деп жазады zakon.kz.
Президент "бұл – халықаралық озық тәжірибе" екенін атап өтті.
"Мұндай қадам елімізді технологиялық тұрғыда дамытудың орнықты бағытын айқындауға мүмкіндік береді. Ең алдымен, жасанды интеллект технологиясын экономикамыздың мұнай-газ секторы, энергетика, ауыл шаруашылығы, көлік және логистика секілді маңызды салаларына енгізуге мән беруіміз қажет деп санаймын. ".Қасым-Жомарт Тоқаев
"Мемлекеттік қызмет көрсету кезінде жасанды интеллект мүмкіндіктерін кеңінен пайдаланудың да маңызы зор. Бұл орайда біз елеулі нәтижеге қол жеткіздік. Атап айтқанда, азаматтардың әлеуметтік әл-ауқатының деңгейін анықтауға және оларға проактивті мемлекеттік қолдау көрсетуге мүмкіндік беретін "Отбасының цифрлық картасы" іске қосылды".Қасым-Жомарт Тоқаев
Тоқаев мұндай өнімді "Бәйтерек" холдингі базасында бизнес үшін де енгізу керек деп есептейтінін айтты. Сондай-ақ ол бұл бағытта ауқымды цифрлық трансформациялау жұмыстары басталып кеткенін атап өтті.
