Заңгердің айтуынша, жұмыс тобы бұл мәртебені осы норманы нақтылайтын заңдарға сілтеме жасамай, Конституцияның өзінде белгілеу керек деген қорытындыға келген.
ERNUR.KZ. ҚР Конституциясына өзгерістер мен толықтырулар енгізу жөніндегі жұмыс тобының мүшесі, заң ғылымдарының докторы Ермек Әбдірасулов Қазақстанның Тұңғыш Президенті – Елбасы Нұрсұлтан Назарбаевтың Конституциядағы мәртебесін айқындау ниетін мәлімдеді, деп жазады Zakon.kz.
"Конституциядағы Тұңғыш Президенттің мәртебесі туралы мәселелерге келсек, бұл Конституциямен және конституциялық заңдармен реттелетінін жазғанбыз", - деді Ермек Әбдірасулов.
Заңгердің айтуынша, жұмыс тобы бұл мәртебені осы норманы нақтылайтын заңдарға сілтеме жасамай, Конституцияның өзінде белгілеу керек деген қорытындыға келген.
"Қазақстанның Тұңғыш Президенті – Тәуелсіз Қазақстанның негізін салушы. Яғни, бұл мәртебе анықталады. Меніңше, мұның үлкен маңызы бар. Оның сіңірген еңбегі мен бар объективті фактілерді бәріңіз де көрдіңіздер, бүкіл әлем көріп отыр, бұл да Конституцияда бекітіледі", - деді Ермек Әбдірасулов.
Қазір Қазақстан Республикасы Тұңғыш Президентінің мәртебесі «Қазақстан Республикасының Тұңғыш Президенті – Елбасы туралы» (2022 жылы 7 ақпанда толықтырылды) Қазақстан Республикасының 2000 жылғы 20 шілдедегі № 83-II Конституциялық заңында (өзгертумен) бекітілген.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
