Түркияның әйгілі Bayraktar-ы енді Қазақстанда құрастырылады

0
98

Baykar Defence компаниясының бас директоры Халук Байрақтармен келіссөз нәтижелі болды.


Түркияның әйгілі Bayraktar-ы енді Қазақстанда құрастырылады

фото:ашық дереккөз

ERNUR.KZ. Қорғаныс министрі Руслан Жақсылықов Ыстанбұлда өткен SAHA EXPO-2024 қорғаныс және аэроғарыш өнеркәсібінің ІV Халықаралық көрмесі аясында Baykar Defence компаниясының бас директоры Халук Байрақтармен келіссөз жүргізді, деп жазады ulysmedia.kz.

Қорғаныс министрлігінің баспасөз қызметінің мәліметіне қарағанда, Baykar Defence компаниясының бас директоры Халук Байрақтармен келіссөз нәтижелі болды.

Тараптар Қазақстан аумағында жедел деңгейдегі тактикалық ұшқышсыз авиациялық жүйелер мен тосқауылдайтын оқ-дәрілер өндірісін оқшаулау мәселесі бойынша жол картасын әзірлеу туралы келісімге келді.

Көрмеде әскерлер мен ұрысты басқарудың автоматты жүйелері, робототехникалық кешендер, байланыс, ӘШҚҚ, радио барлау, радиоэлектрондық күрес және радиоға қарсы іс-қимыл құралдары қойылған. Одан өзге көрмеге қойылған ұшқышсыз басқарылатын авиация, жоғары дәлдіктегі қару-жарақ, лазерлік технологиялар, оптикалық-электронды жабдықтар және басқа да экспоненттер қызығушылық тудырды.