Ұлттық нақышта безендірілген пойыздар жолға шықты

Фото: ҚТЖ

ERNUR.KZ. Наурыз мейрамы қарсаңында Қазақстанның теміржол қатынасында ерекше атмосфера орнады. Жолаушыларды қазақи нақышта безендірілген вагондар мен ұлттық киім киген жолсеріктер қарсы алуда. Мерекелік акция 2026 жылғы наурыз айының соңына дейін жалғасады, деп жазады Azattyq Rýhy.

Астанадағы «Нұрлы жол» вокзалынан №85/86 «Астана — Шымкент» бағытындағы пойыз безендірілген күйі жолға шықты. Жолаушыларға вагон ішінде ыстық бауырсақ пен наурыз көже ұсынылды.

Мерекелік безендіру келесі бағыттарда да бар:

• №6829/6830 электр пойызы (Астана — Көкшетау);
• №7507/7508 электр пойызы (Астана — Көкшетау).

Тасымалдаушы компанияның мәліметінше, жолаушыларды ұлттық мейрамдармен құттықтау игі дәстүрге айналған. Бұл акция еліміздің барлық өңірінде өткізіліп жатыр.

Этникалық үлгідегі пойыздар наурыздың соңына дейін қатынайды, сондықтан жолаушылардың мерекелік атмосфераны сезінуге толық мүмкіндігі бар.