Инвесторлардың қаржысы тариф есебінен қайтарылады.
ERNUR.KZ. Премьер-министрдің бірінші орынбасары Роман Скляр еліміздің үш қаласында салынатын жылу электр орталықтарын кім қаржыландыратынын айтты, деп жазады sputnik.kz.
Оның айтуынша, үш ЖЭО-ның құрылысына шетелдік инвестиция тартылады.
"Бұл жоба инвесторлар есебінен қаржыландырылады. Шетелдік компаниялармен тиісті келісімге қол қойылды. Оны Самұрық-Энерго және ресейлік Интер РАО компаниясы жүзеге асырады. Ресей Федерациясының технологиялары қолданылады. Зейнетақы қорының қаражаты пайдаланылмайды. Инвесторлардың қаржысы жұмсалады, ол тариф есебінен қайтарылады", - деді Скляр үкіметтің кеңейтілген отырысынан кейін өткен брифингте.
Айта кетері, Өскемен, Семей және Көкшетау қалаларында жылу электр орталықтары салынады.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
