Қырғызстан парламентінде Ыстықкөл көлінде су мотоциклдерін пайдалануға тыйым салу туралы заң жобасы қаралуда.
ERNUR.KZ. Бұл туралы Қырғыз Заң шығарушы органының сайты хабарлады, деп жазады Inbusiness.kz.
Төтенше жағдайларды қоспағанда, гидроциклдерді рекреациялық немесе спорттық мақсатта пайдаланғаны үшін айыппұлдар белгілеу ұсынылады.
Соңғы жылдары Ыстықкөлде су техникаларының қатысуымен апаттар жиі орын алып, соның салдарынан адамдар қаза тапқаны атап өтілді.
"Гидроциклдер көлдің экологиясына да кері әсерін тигізеді, отын қалдықтары су бетінде қалқып шыққан жағдайлар да жоққа шығарылмайды. Көлде су көліктерінің ұзақ уақыт болуына байланысты демалушылар үшін қауіпті жағдай туындайды және алдағы туристік маусымда апаттар болмайтынына кепілдік жоқ", — делінген құжатта.
Ережені бұзғаны үшін заң жобасымен жеке тұлғаларға 5 мың сомға, ал заңды тұлғаларға 10 мың сомға айыппұл салу ұсынылады. Норманы қайта бұзған жағдайда айыппұлдың сәйкесінше 15 мың және 20 мың сомға дейін өсуіне әкелуі мүмкін.
