Жамбыл облысында "Жас маман" жобасы аясында бөлінген 171 млн теңге ұрланды

0
476

​Бюджет ақшасы колледждер мен жоғары оқу орындарын жаңғыртуға бағытталған.


Жамбыл облысында

ERNUR.KZ. Жамбыл облысында білім беру саласында 171 млн теңге бюджет қаражаты жымқырылды, деп жазады sputnik.kz.

Қаржы мониторингі агенттігінің аумақтық департаменті бюджет қаржысын жымқыру фактісі бойынша қылмыстық істі тергеп жатыр.
"Департамент қызметкерлері "Жас маман" жобасы аясында бөлінген 171 млн теңгеден астам бюджет қаражатын жымқыру фактісін анықтады. Жобаның мақсаты – колледждер мен жоғары оқу орындарын сұранысқа ие 100 мамандық бойынша жаңғырту және білікті маман даярлаудың халықаралық тәжірибесін енгізу", - деп мәлімдеді агенттік.
Қазір қылмыстық іс аясында бірқатар жедел тергеу шаралары, соның ішінде тиісті сараптамалар жүргізілуде. Оның нәтижесі бойынша процессуалдық шешім қабылданады.
ҚР ҚПК-нің 201-бабына сәйкес өзге ақпарат жария етілмейді.