Оқиға салдарынан зардап шеккендер жоқ.
ERNUR.KZ. 2024 жылдың бірінші күні, 1 қаңтарда әлеуметтік желіде Талдықорғандағы дәмханалардың бірінде түсірілген жаппай төбелестің видеосы тарады, деп жазады azattyq-ruhy.kz.
Видеоға қатысты облыстық полиция департаменті түсінік берді. Оқиға Жаңа жылды тойлау кезінде емес, бірнеше күн бұрын болғаны белгілі болды.
«Бұл дерек 29 желтоқсанда Талдықорғанда тіркелді. Оқиға орнына жеткен полиция жасағы жанжалға қатысқандарды қалалық басқармаға жеткізді», - деп хабарлады Zakon.kz тілшісіне Жетісу облыстық полиция департаментінің баспасөз қызметі.
Облыстық полицейлер жаппай төбелестің салдарынан зардап шеккендер жоқ екенін мәлімдеді.
«Аталған факті бойынша ҚР Қылмыстық кодексінің 293-бабының 2-бөлігі ("Бұзақылық") бойынша тергеу амалдары жүргізіліп жатыр», - деп хабарлады Жетісу облыстық полиция департаментінің баспасөз қызметі.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
