Алмалы аудандық полиция басқармасы тұрғын үй кешенінің аумағында жеке компанияның екі қызметкерін электр тоғының соғу дерегіне қатысты тергеу жүргізіп жатыр.
Фото: Мухтор Холдорбеков/ Kazinform
ERNUR.KZ. Әлеуметтік желідегі мәліметке сәйкес, «Жастар» тұрғын үй кешенінде жұмыс істеп жүрген электриктерді ток соққан, деп жазады inform.kz.
Алматы қаласының Денсаулық сақтау басқармасы бұл мәліметті растап, екі азаматтың жансақтау бөлімінде жатқанын хабарлады.
– 22 мамыр сағат 13:05-те Алматы қалалық жедел шұғыл көмек көрсету ауруханасының қабылдау бөліміне электр жарақатын алған екі ер адам жеткізілді. Екі науқасқа да ІІ–ІІІ дәрежелі көптеген күйік диагнозы қойылды. Пациенттер анестезиология, реанимация және қарқынды терапия бөліміне (АРҚТБ) жатқызылды. Қазір оларға барлық қажетті қарқынды терапия шаралары жүргізіліп жатыр, - деп мәлімдеді басқармадан.
Қалалық полиция департаменті аталған оқиға бойынша тексеріс жүргізілетінін хабарлады.
– Алмалы аудандық полиция басқармасы тұрғын үй кешенінің аумағында жеке компанияның екі қызметкерін электр тоғының соғу дерегіне қатысты тергеу жүргізіп жатыр. Оқиғаның мән-жайы анықталады. Қолданыстағы заңнамаға сәйкес шаралар қабылданады, - деп мәлімдеді департаменттен.
![](/assets/thumbnails/b0/b03b56a7dc5e5917159cd6662899003d.jpg ""Германияда ота жасаттым": Танымал кәсіпкер Айдын Рахымбаев сүтті шайдың зиянын айтып, дабыл қақты")
![](/assets/thumbnails/69/6927b3a5d61d18e10d590096af674857.jpg ""Балгердің сөзін ұмыта алар емеспін" - оқырман әйел күйеуімен ажырасатын күнді күтіп жүргенін айтты")
![](/assets/thumbnails/54/544b86caf1c53d87372745c687e713ea.jpg ""Аға-жеңгемнің балаларын бағам деп...": тұрмысқа шықпаған бойжеткен уақытын өткізіп алғанына налыды")
