Жас ғалымдарға пәтер берілді

0
120

Қазіргі уақытта аталған бағдарлама бойынша 477 жас ғалым жеңілдікпен баспана алды.


Жас ғалымдарға пәтер берілді

© Sputnik / Антон Денисов

ERNUR.KZ. Ғылым және жоғары білім вице-министрі Гүлзат Көбенова 8 жас ғалымға пәтер сертификатын салтанатты түрде табыстады, деп жазады Sputnik Қазақстан.
Министрлік мамыр айынан бастап баспанаға мұқтаж жас ғалымдардың (40 жасқа дейін қоса алғанда) тізімін жасап жатыр. Алматы қаласында орналасқан мемлекеттік органдарға ведомстволық бағынысты ғылыми ұйымдар мен жоғары оқу орындарынан 300-ге жуық өтінім келіп түсті.
"2023 жылы қазанда ҚР Ғылым және жоғары білім министрлігі мен "Отбасы банк" АҚ арасында жас ғалымдарға 2023-2027 жылдарға арналған жеңілдетілген кредит беру бағдарламасы бойынша ынтымақтастық туралы келісімге қол қойылды. Қазіргі уақытта аталған бағдарлама бойынша 477 жас ғалым жеңілдікпен баспана алды", - деп жазылған хабарламада.
Сондай-ақ Конституция күні мерекесі қарсаңында Ғылым және жоғары білім министрлігінің бірқатар қызметкері "Қазақстан Республикасының Конституциясына 30 жыл" мерейтойлық медалімен, сондай-ақ "Ана тілін дамытуға қосқан үлесі үшін" және "Ахмет Байтұрсынұлы" төсбелгілері сияқты ведомстволық наградалармен марапатталды.