​Жылжымалы медициналық кешендер: СҚО ауыл тұрғындары үшін қолжетімді медицина

ERNUR.KZ. Бұл бағытта маңызды рөлді жылжымалы медициналық кешендер (ЖМК) атқарады, олар өңірдің алыс елді мекендеріне білікті көмек жеткізуге мүмкіндік береді.

Бүгінде халыққа 10 ЖМК қызмет көрсетуде, олардың екеуі КАМАЗ автокөліктері базасында, қалғандары автобустар базасында жұмыс істейді.

Қызылжар, Явленка, Аққайың аудандық ауруханаларында, сондай-ақ Мағжан Жұмабаев ауданының ауруханасында ЖМК 2025 жылдың шілде айынан бастап өзге медициналық ұйымдармен бірлескен шарттар арқылы көшпелі қызмет көрсетуді бастады.

2025 жылдың бірінші жартыжылдығының қорытындысы бойынша ЖМК қызметін 22 124 адам пайдаланды, бұл 2024 жылдың осындай кезеңімен салыстырғанда 6 204 адамға артық. Қамтудың өсуі медициналық көмектің мобильді форматының тиімділігін көрсетеді.

Тексерілгендердің ішінде әртүрлі аурулары бар 1 576 науқас анықталды (2024 жылы – 1 222 адам). Олардың 329-ы (20%) диспансерлік есепке қойылып, бұл одан әрі бақылау мен уақытылы ем жүргізуге мүмкіндік береді.

Алты ай ішінде ЖМК базасында 6 800 диагностикалық процедура, 8 424 зертханалық зерттеу және терапевттер, педиатрлар, кардиологтар және басқа да бейінді мамандардың 10 249 консультациясы өткізілді.

Жылжымалы медициналық кешендер ауыл тұрғындары үшін медициналық көмектің қолжетімділігі мен сапасын арттырудың маңызды құралы болып қала беруде, ауруларды ерте анықтауға және ауыл халқының денсаулығын нығайтуға ықпал етеді.