Ведомство бұл оқиғаға қатысты әзірге толық мәлімет берген жоқ.
Шымкент қалалық мәдениет, тілдерді дамыту және архивтер бөлімінің басшысына қатысты тергеу жүріп жатыр. Бұл ақпаратты Сыбайлас жемқорлыққа қарсы қызмет растады, деп хабарлайды ERNUR.KZ informburo.kz-ке сілтеме жасап.
"Иә, сотқа дейінгі тергеу басталғанын растаймыз. Толық ақпарат кейінірек хабарланады", – деп хабарлады департаменттің баспасөз қызметі.
Шымкент қалалық мәдениет, тілдерді дамыту және архивтер бөлімінің сайтында жарияланған ақпаратқа сәйкес, мекемені Сәкен Шәкеев басқарады.
Ол бұл қызметке 2023 жылдың наурыз айында тағайындалды. Бұған дейін сол бөлім бастығының орынбасары қызметін атқарған.
