ШЫМКЕНТ: Қар тазалау жұмыстары күшейтілді

03.03.2025 11:50

270

Магистрал көшелерді тазалауға мемлекеттік-жекешелік әріптестік негізінде 189 арнайы техника мен 500-ге жуық қызметкер жұмылдырылған.

фото: видеодан скрин

ERNUR.KZ. Қалада толассыз қар жаууына байланысты жол қауіпсіздігін қамтамасыз ету және көктайғақтың алдын алу мақсатында қар тазалау жұмыстары күшейтілді.

Магистрал көшелерді тазалауға мемлекеттік-жекешелік әріптестік негізінде 189 арнайы техника мен 500-ге жуық қызметкер жұмылдырылған. Сонымен қатар саябақтар мен гүлзарлардағы жаяу жүргіншілер жолдарын тазалау шараларын 114 қызметкер атқаруда. Инертті материалдар қоры: кұм - 24 800 м³, тұз - 13 200 тонна.

Осы сәттері көше бойларында инертті материал себу, қар тазалау және жаяу жүргіншілер жолдарын тазарту жұмыстары үздіксіз жүргізіліп жатыр.

Абай ауданы аумағындағы 80 негізгі көшеде механикалық тазарту шаралары жалғасып, инертті материалдар себілуде. 31 арнайы техника мен 200 адам жұмылдырылған.

Қолда бар техника:

• КДМ: 21 дана

• Трактор: 4 дана

• Погрузчик: 3 дана

• Мини-трактор: 4 дана

Ішкі орам көшелері мен аулаларды тазартуға 200 қызметкер, 27 техника тартылды. Аяқ жолдарды тазалайтын 10 арнайы аппарат жұмыс істеуде.

Әл-Фараби ауданы аумағындағы ішкі орам көшелері мен аулаларды қардан тазартуға "Әл-Фараби" КММ тарапынан 70 қызметкер мен 14 арнайы техника жұмылдырылуда:

• ГАЗ-53: 10 дана

• КАМАЗ: 2 дана

• КДМ: 2 дана

Еңбекші ауданында ішкі орам көшелері мен аулалардағы қарды тазарту және инертті материал себу жұмыстарына 7 техника мен 140 адам жұмылдырылған. Қолда бар техника:

• Қар тазалайтын арнайы көлік (КДМ): 2 дана

• ГАЗ-53: 3 дана

• Мини-трактор: 1 дана

• Газель фермер: 1 дана

• Аяқ жол тазалайтын аппарат: 10 дана

Инертті материалдар: тұз - 145 тонна, құм - 180 м³.

Қаратау ауданында ішкі орам көшелерді тазалауға 550 жұмысшы мен 34 арнайы техника қатысуда. Жалпы 896 көшеде, оның ішінде әлеуметтік нысандар орналасқан 128 көшеде (102,9 км) және аяқжолдарда (123 км) тазалау жұмыстары жүргізіліп жатыр.

Инертті материалдар қоры:

• Құм: 650 м³

• Тұз: 1050 тонна

Тұран ауданында коммуналдық мекеме тарапынан қар тазалау жұмыстарына 200 жұмысшы мен 20 арнайы техника жұмылдырылды. Қардан тазарту жұмыстары негізгі көшелермен қатар, ақжолдар, аялдамалар, жер асты және жер үсті өткелдері, аулалар аумағында да жүргізілуде.

Олар :

2 - КДМ

3 - аяқ жол тазалайтын мини трактор

2 - қар артатын поргузчик

3 - қар тасымалдайтын камаз

10 - ГАЗ -53

2500м3 құм

100 тн тұр

Қала әкімдігі тұрғындардан түсіністік танытып, қауіпсіздік шараларын сақтауды сұрайды. Тазалық жұмыстары тәулік бойы жалғасады.