ШЫМКЕНТ: Карантин кезінде көліктер мен жаяу жүргіншілерді тіркеу бүгін аяқталады

Шымкент қаласы бойынша қозғалыс және блок бекеттерін кесіп өту үшін тіркеуге өтініш қабылдау бүгін аяқталады, деп хабарлайды ERNUR.KZ.

Яғни, 17.04.2020 ж. сағат 18:00-де адамдарды тіркеу тоқтатылады.

Естеріңізге сала кетейік, төтенше жағдайға байланысты Шымкентте көліктер мен азаматтардың қозғалысына рұқсат беру рәсімін автоматтандыру бойынша арнайы веб-сайт іске қосылған болатын.

Кәсіпкерлер мен қала тұрғындарына арналған Shym-karantin.kz веб-сайты іске қосылды. Ол үшін тұрғындар Шымкент қаласы әкімдігінің сайтына кіру арқылы өздерінің немесе көліктердің қала ішінде жүруіне рұқсат етілгендігін біле алады.