ШЫМКЕНТ: Наурыз мерекесі барлық ауданда жалғасты

Арбат, Орталық саябақ, Жеңіс саябағы, Наурыз алаңында киіз үйлер тігіліп, ұлттық дәм, ұлттық ойындар сайысы мерекенің сәнін кіргізді.

Шымкент қаласының әкімі Мұрат Әйтенов әрбір іс-шараны арнайы аралап, тұрғындарды мерекемен құттықтап шықты. Үлкендерден бата алып, кішкентай бүлдіршіндердің тұсауын кесті.

Аудан әкімдері елдімекеннің белсенді тұрғындарын марапаттады.

Тұрғындар халық аспаптық оркестрдің концертін тыңдап, ұлттық киімдер шеруін, түрлі қолөнер көрмелерін тамашалады.