ШЫМКЕНТ: Нұртас шағынауданында жайлы мектеп ашылды

26.12.2024 09:17

256

Шымкенттегі Нұртас шағын ауданында 2 мың орындық жайлы мектеп пайдалануға берілді.

Қала әкімі Ғабит Сыздықбеков заманауи талаптарға сай салынған білім ғимаратын аралап көрді.

Жаңа мектепте 80 кабинет, оның ішінде робототехника мен STEM зертханасы қарастырылған. Сондай-ақ ғимаратта екі үлкен және екі шағын спорт залы, кең акт залы мен үлкен асхана бар. Ерекше қажеттіліктері бар балаларға қолайлы қозғалыс үшін арнайы жабдықталған кедергісіз кеңістіктер де қаралған.

Жалпы, шәкірттердің заманауи талапқа сай білім алуына жағдай жасау мақсатында ұлттық жоба аясында Шымкентте 18 білім нысанын ашу жоспарлануда.