ШЫМКЕНТ: Жастардың діни танымдығын арттыру бойынша кездесу өтті

Аталған кездесуге Дін істері басқармасының «Дін мәселелерін зерттеу орталығы» КММ-нің теолог маманы Бекеулов Серік Мадиханұлы және Шымкент университетінің жастары қатысты.

Кездесудің мақсаты - жастарға діни ағымдардан сақтану туралы терең түсінік беру, ата-ананы құрметтеу, бейбітшілік пен адамдарға жақсылық жасай білудің өмірдегі басты ұстанымы екенін түсіндіру.

Кездесу барысында «Деструктивті діни ағымдардың алдын алу жолдары» бойынша түсіндірме жұмыстары жүргізіліп, студенттермен кері байланыс орнатылды. Сондай-ақ кездесу соңында жастарға арнайы әзірленген бейнеролик көрсетілді.

Сонымен қатар, сала мамандары жастарға отанды сүю иманнан екенін және жастарға түрлі кереғар діни ағымдардан сақтану жолдары, тәлім-тәрбиелілік, біліктілік, ата-ананы құрметту сынды тақырыптар төңірегінде сөз қозғап жастар көкейіндегі сұрақтарына жауап алды. Сондай-ақ әлеуметтік желілерге (инстаграм, фейсбук, телеграм, ватцап) келген ақпараттарды лайк, комментария және теріс діни ағымдағы фото-видеоларды таратпауға кеңес берді.

Сондай-ақ, Шымкент қаласы Жастар ресурстық орталығының ұйымдастыруымен жастар арасында ұлтаралық татулық, жастардың діни танымдығын арттыру мақсатында кездесу өткізілген болатын.

Аталған шараға Шымкент қаласының дін істері басқармасы «Дін мәселелерін зерттеу орталығы» КММ-нің теолог маманы Самат Уәлихан, “ЕуроАзиялық медиация орталығы” қоғамдық бірлестігі атынан кәсіби медиаторы Пилецкая Юлия Николаевна, Зоя Сергеевна және М.Әуезов атындағы Оңтүстік Қазақстан университетінің колледжінің студенттері қатысты.

Іс-шара барысында жастарға түрлі кереғар діни ағымдардан сақтану жолдары, тәлім-тәрбиелілік, біліктілік, ата-ананы құрметту сынды тақырыптар төңірегінде сөз қозғалып, жастар көкейіндегі сұрақтарына жауап алды.