Шымкентте 5 жасар бала коронавирус жұқтырды

28.04.2020 13:41

800

Бүгінде Шымкентте барлығы 176 адам вирус жұқтырған.

Шымкент қаласында коронавирус инфекциясын тағы 1 адам жұқтырды, деп хабарлайды ERNUR.KZ.

Вирус жұқтырған азамат 2015 жылғы Шымкент қаласының тұрғыны. Науқас мұнан алдын коронавирус инфекциясы анықталған 1990 жылғы азамат қарым-қатынаста болуына байланысты, карантиндік стационарға жатқызылып, зертханалық сынама алынған.

ПТР диагностикалық зерттеу қорытындысымен COVID-19 диагнозы нақтыланды.

Қазіргі таңда науқастың жағдайы қанағаттанарлық. Бекітілген хаттамаға сәйкес тиісті ем жүргізілуде.

Науқаспен қарым-қатынаста болған адамдар анықталып, барлығы медициналық бақылауға алынуда.

Ауру ошақтарында дезинфекциялық жұмыстар жүргізілуде.

28.04.2020 жылғы жағдай бойынша қалада COVID-19 коронавирус инфекциясын жұқтырған 176 адам анықталды.