Шымкентте алғаш рет Скейтпарк салынады

Үшінші мегаполисте скейтпарк салынады, деп хабарлайды ERNUR.KZ.

ВМХ Freestyle пен Скейтбординг – қазіргі таңда жастар арасында кеңінен танылған спорт түрі. Бұл спорт түрі қатысушыларға керемет көңіл-күй мен адреналин сыйлайды.

Аталған нысан бұрынғы Абай паркінің көлік қою тұрағына салынады деп жоспарлануда. Жоспар бойынша ВМХ Freestyle пен Скейтбординг бір алаңда салынатын болады.

Бұл жобаның басты ұйымдастырушылары - «Shymkent» ӘӘК АҚ және Шымкент қаласының велоспорт Одағы.

Жоба авторлары осы спорт түрімен айналысушыларға бос уақытын қызықты өткізулеріне кепілдік беріп отыр.