Шымкентте өкпедегі ісікке тіліксіз ота жасалынды

Флюрографиялық тексеру кезінде 49 жастағы науқаста сол өкпесінің төменгі бөлігінде ісік анықталған. Тез арада қалалық онкологиялық орталықта видеоторакоскопиялық әдіспен тіліксіз ота жасалынды.

Сол күні-ақ палатаға жатқызылды.

Онкологиялық орталықта 2 жылдан бері отаны видеоторакоскопиялық әдіспен жасау қолға алынған. Мұның артықшылығы көп: науқас операцияны жеңіл көтереді, асқынулар өте сирек кездеседі, наркотикалык анальгетиктер қабылдамайды.

– Операция болған күні науқас өздігінен жүріп, ауруханадан 3-4 күнде үйіне шығарылады. Осы әдіспен жасалған отадан кейін науқас оңалтуды қажет етпейді. Мұндай видеоторакоскопиялық әдіс өкпе қуысы органдарының катерсіз және алғашқы сатыдағы қатерлі ісіктері кезінде қолданылады, - дейді жоғары дәрежелі хирург Самат Исмаилов.

Жылына бір рет флюрографиялық тексерістен өтіп, өкпеден ісік белгілері табылған жағдайда міндетті түрде дәрігерге жүгінген жөн.