Шымкенттегі 144 көшеге шағал тас төселді

0
563

Бұл туралы қалалық жолаушылар көлігі және автомобиль жолдары басқармасы мәлім етті.


Шымкенттегі 144 көшеге шағал тас төселді

Шымкентте қала әкімінің тұрғындарға жайлы және қолайлы өмір сүру ортасын қалыптастыру туралы берген тапсырмасы негізінде қаланың шалғай орналасқан шағын аудандарына жалпы 52,7 шақырымды құрайтын 144 көшеге шағал тас төселді, деп хабарлайды ERNUR.KZ.

Бұл туралы қалалық жолаушылар көлігі және автомобиль жолдары басқармасы мәлім етті.
Басқарма мамандарының айтуынша, жүргізілген жұмыстардың 47,2 шақырымы яғни, 131 көше Абай ауданына тиесілі екен, ал, қалған 13 көше, 5,2 шақырым жол Әл-Фараби ауданына қарасты.
Атап айтқанда Абай және Әл-Фараби аудандары бойынша Тәуелсіздікке 20 жыл, Көкбұлақ, Жаңаталап, Игілік, Қызылжар, Сәуле, 276 орам, Ақжар-2 тұрғын алаптарындағы көшелерге шағал тас төсеу жұмыстары жүргізілді. Бұл жұмыстарды мердігер мекеме «Асфальт» ЖШС атқарды.
Бұл тұрғын алаптар қалаға жаңадан қосылғандықтан ішкі орам көшелеріне асфальт төсеу жұмыстары жүргізілмеген. Себебі орташа жөндеу жұмыстары ережеге сай инфрақұрылым жүйелері жүргізілгеннен кейін бастау алады.