Шымкенттіктер ұйымдастырған азық-түлік жәрмеңкесінде астаналықтар сағаттап кезекте тұрды

ERNUR.KZ. Нұр-Сұлтанда кешелі бері жыл сайын ұйымдастырылатын облыстардың азық-түлік жәрмеңкесі өтуде. Маусымның 1-інен бастау алған игі бастаманы Түркістан облысы бастап берді, деп жазады kaz.nur.kz.

Таңғы 9-дан басталған жәрмеңкеге келушілердің санында шек болмады. Олар түрлі азық-түлік өнімдерін алу үшін кезекке тұрды. Азық-түлік жәрмеңкесін Түркістан облысы ұйымдастырып жатқандықтан, онда әдеттегідей жеміс-жидек, көкөніс өнімдері көп болды.

Айта кетерлігі, азық-түлік жәрмеңкесіне облыстың басты аудандарының барлығы дерлік қатысқан. Олардың арасында әсіресе Төле би, Сарыағаш сияқты өңірдегі ірі аудандардың ұсынған азық-түлік өнімдері көп болды.

"Бағалар қолжетімді. Бәрі бар, қала адамдарына ауылдың таза өнімін сатып алатын таптырмас мүмкіндік деп ойлаймын. Жаз бойы келесі облыстардың да жәрмеңкелерін асыға күтетін боламыз", - дейді қала тұрғындары.