Кениялық желаяқ 11 ақпан күні түнде көлік тізгініне ие бола алмай қалған.
ERNUR.KZ. Әлемдік марафон рекордының иегері Келвин Киптум 24 жасында көз жұмды, деп жазады inbusiness.kz.
Жол-көлік оқиғасы өз елінде болған. Марафоншы айдап келе жатқан "Тойота Премио" көлігі жол бойындағы ағашқа соғылған. Полиция ақпараты бойынша Келвин Киптум көлікті басқара алмай қалған. Оқиға орнында спортшы мен жаттықтырушысы Жерве Хакизиман көз жұмды. Ал олармен бірге болған Шэрон Кости есімді әйел ауыр жарақатпен ауруханаға жеткізілген.
Айта кетейік, Келвин Киптум Кениядан шыққан талантты спортшылардың бірі болды. Желаяқ 2023 жылы отандасы Элиуд Кипчогенің марафондағы рекордын жаңартты. 42 шақырым, 195 метрді 2 сағат 35 секундта жүгіріп өтті. Рекордын Чикаго марафонында тіркеді. Ал биыл 14 сәуір күні Роттердамда өтетін марафонда ол 2 сағат ішінде жүгіріп жетуге дайындалып жүрген.
Келвин Киптумның артында әйелі мен екі баласы қалды. Биыл желтоқсан айында 24 жасқа толар еді. Ал жуырда ғана World Athletics оның рекордын ресми түрде әлемдік үздік көрсеткіш деп таныған болатын.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
