Дзюдодан Еуропа кубогы мәресіне жетті

ERNUR.KZ. 15 мамыр күні Ресейдің Оренбург қаласында дзюдодан Еуропа кубогы аяқталды. Жарыстың соңғы күнінде қазақстандық спортшылар топ жарды.

-78 келі салмақта татамиге шыққан Назгүл Маратова мен 70 келіде ел намысын қорғаған Ажар Салықова жүлдегерлер қатарынан көрінді.

Назгүл Маратова күміс медаліне ие болса, ал Ажар Салықова кәрі құрлық кубогын 3 - орынмен аяқтады. Тимур Болат пен Думан Алдиев бастаған Қазақстан ұлттық құрамасы 1 алтын, 1 күміс және 2 қола медальмен жарысты 16 ел ішінде жалпы командалық есепте 2 - орынмен аяқтады.