Роналду жаңа клубқа ресми түрде таныстырылды

ERNUR.KZ. Сауд Арабиясының «Әл-Наср» клубы португалиялық футболшы Криштиану Роналдуның таныстырылымын өткізді, деп жазады ҚазАқпарат.

Тұсаукесер Эр-Риядтағы Ханзада Фейсал бин Фахд атындағы стадионда өтті.

Еске сала кетсек, 37 жастағы Криштиану Роналду «Аль-Наср» клубымен екі жылдық келісімшартқа отырған.

«Аль-Насрмен» келісім-шартқа сәйкес, Роналду жылына 200 млн еуро табыс тауып, футбол тарихындағы ең көп жалақы алатын ойыншы болады.

Жақында Катарда өткен 2022 жылғы әлем чемпионатында Роналду сәтсіз өнер көрсеткен: ол бес матчта бір ғана гол соғып, екі ойынды орындықта отырып бастады. Португалия құрамасының турнирдегі өнеріне келсек, ширек финалда ол Марокко құрамасынан 0:1 есебімен ұтылып қалды.