Шавкат Рахмоновтан жеңілген файтер қазақша "сөйлеп" кетті

ERNUR.KZ. Осыдан соң Рахмоновтың ирландиялық қарсыласы әлеуметтік желісінде қазақша жазба жариялады, деп жазады inbusiness.kz.

Лас-Вегаста өткен UFC 310 турнирінде Шавкат Рахмонов пен Иэн Гэрри рейтингтік бес раундтық жекпе-жек өткізді. Гэрри мансабындағы алғашқы сәтсіздікке ұшырады.
Шавкат Рахмоновтан жеңілген файтер әлеуметтік желі парақшасында қазақ тілінде құттықтау жариялап отыр.

– Сізді және талантыңызды құрметтеуден басқа ештеңем жоқ. Құттықтаймын, мен сізді қайта көретін уақытты асыға күтемін – сіз де, мен де кімнің қауіптірек жауынгер екенін жақсы білеміз, – деп жазған Гэрри.

Сарапшылардың кейбірі жазбаның мәнінде сес бар екенін айтса, енді бірі қарсылысының құрметін, азаматтығын жарыса жазып жатыр.

Еске салайық, ирландиялық файтер бұған дейін жеңіліс дәмін татпаған. 15 жеңісіне енді ғана 1 жеңіліс қосылды. Есесіне қазақстандық файтер 19 жекпе-жегінің бәрінде жеңіп отыр. Бірақ, Гэрриді ғана төрешілер шешімімен ұта алған.