ОТЫРАРДА ЖАЙДАРМАН ОЙЫНДАРЫ ӨТТІ

Отырар ауданында «Аудан әкімінің жүлдесіне» арналған дәстүрлі «Жайдарман» көңілді тапқырлар клубының ойындары өтті, деп хабарлайды ERNUR.KZ тілшісі.

Аталған шараның өткізілудегі мақсаты — Елбасының «Болашаққа бағдар: рухани жаңғыру» атты мақаласын жастар арасында кеңінен насихаттау мен талантты жастарға қолдау білдіру.
Ойынға тапқыр да ұтымды ой, әдемі әзілдерімен келген ауданға қарасты ауыл округтерінен шыққан командалар қатысты. Үш кезеңнен тұратын сайыс тартысты әрі қызықты өтіп ұшқыр ойлы әзілдерімен тұщымды пікірлерін ортаға салып көрермендерді жалықтырмады.
Сайыс қортындысында көрермендерді күлкіге батырып, қазылар алқасының көңілінен шыққан «Көкмардан» командасы І орынды иеленіп, аудан әкімінің жүлдесін жеңіп алды. Тартысты ойынның ІІ орын жүлдесі «Шәмші құрамасына», ІІІ орын «Ерекше» командаларына бұйырды. Жүлдегер командаларға аудан әкімінің «Алғыс хаты» мен қаржылай сыйлықтар берілді.

Командаларға жүлделерді табыстаған аудан әкімінің орынбасары Пердехан Жаппарқұлов XXI білімділер мен біліктілер ғасыры екендігін айтып, аудан жастарын білімді, парасатты туған елін шексіз сүйетін патриот болуға шақырды.