ТҮРКІСТАН: Астықтың жартысынан көбі орылды

Түркістан облысында ауыл шаруашылығы өнімі артады, - деп хабарлайды ERNUR.KZ..

Сондай-ақ, 6 айда атқарылған жұмыс нәтижесі бойынша, өңірде 60 пайыз астық орылып, гектар түсімділігі 19,0 центнерден 261,1 мың тонна астық қамбаға құйылған. Астық ору науқаны тамыз айының алғашқы он күндігінде аяқталады. Мал шаруашылығын мемлекеттік қолдау мен субсидиялау да мал басы мен өнімділіктің ұлғаюына оң әсерін тигізуде. Атап айтқанда, мал басын ұлғайтуға 6,4 млрд. теңге бөлініп, 936 агроқұрылымға 2,5 млрд. теңге субсидия төленген. Нәтижесінде, жарты жылда ірі қара мал саны 6,1 %-ға артқан.

Қазір экономикалық өсімі қарқынды әрі, ауыл шаруашылығы саласы бойынша елде ерекше орны бар Түркістан облысында жалпы саны 71,8 мың шаруа қожалығы тіркелген. Республикадағы үлесі 33 пайызды құрайды. 200 мыңға жуық азамат егін, мал шаруашылығында жұмыспен қамтылған. Жыл соңына дейін ауыл шаруашылығы өнімі өткен жылдан 77 млрд.теңгеге артып, 706,0 млрд. теңгені құрайды деп күтілуде.