25 адам тұрақты жұмыспен қамтылып, ауыл тұрғындары үшін жаңа жұмыс орындары ашылмақ.
Отырар ауданында 5 мың бас малға арналған бордақылау алаңы салынуда, деп хабарлайды ERNUR.KZ.
Мемлекет басшысы Қасым-Жомарт Тоқаев ауыл шаруашылығы бағытындағы жұмысты жандандыруды тапсырған болатын. Осыған орай Отырар ауданына қарасты Ақтөбе ауылында 5 мың басқа арналған бордақылау кешенінің құрылысы қарқынды жүргізілуде.
Аталған жоба кәсіпкер Мұрат Нұрғали тарапынан жүзеге асырылуда. Жоба толық іске қосылған жағдайда 25 адам тұрақты жұмыспен қамтылып, ауыл тұрғындары үшін жаңа жұмыс орындары ашылмақ. Сонымен қатар бордақылау алаңын заманауи американдық технологиямен жабдықтау жоспарланған.
Аудан әкімі Қайрат Жолдыбайұлы бордақылау алаңының құрылыс жұмыстарымен танысты. Аудан басшысы жобаның ауыл шаруашылығы саласын дамытуға, ет өндірісін ұлғайтуға және өңір экономикасының нығаюына оң әсер ететінін атап өтіп, кәсіпкерлік бастамаларға аудан тарапынан әрдайым қолдау көрсетілетінін жеткізді.
![](/assets/thumbnails/be/be8b80042e88b11c3d98c898a73b7a65.jpg ""БІРІНШІ ТӨСЕГІҢДІ ЖИНА": қыз балаға айтылуы тиіс өмірлік қағидалар")
![](/assets/thumbnails/17/17b81298de2b2f99200f0e5ae74ef1f5.jpg ""Сенің балаң үшін пәтер жағалайтын жайым жоқ": әкесі ауру ұлын емдетуден бас тартқан")
