ТҮРКІСТАН: Сағындық Тоғамбай – Азия чемпионы

Сағындық Тоғамбай Таиландтың Чиангмай қаласында өткен бокстан Азия чемпионатында топ жарды, деп хабарлайды ERNUR.KZ.

Отандасымыз Сағындық Тоғамбай Таиландтың Чиангмай қаласында өткен бокстан Азия чемпионатында топ жарды. Ұлттық құрама спортшысы 92 келіде финалда Парвиз Каримовтің (Тәжікстан) осал тұсын тапты. Ханчжоудағы Азия ойындарының қола жүлдегері алғашқы және екінші раундта қарсыласын есеңгіретіп тастады. Осыдан кейін де ауыр соққыларымен Каримовке ес жиғызбады.

Ұлттық құрама сапында өнер көрсеткен Түркістан облысының «Түркістан кәсіпқой бокс клубының» спортшылары жарады. Ерлер құрамасын сапында 92 келіде Сағындық Тоғамбай топ жарса, әйелдер арасында 57 келіде Ұлжан Сәрсенбек қола жүлдегер атанды.

Жалпы Қазақстан ерлер құрамасының еншісінде 4 алтын медаль бар. Олар: Махмұд Сабырхан (54 кг) мен Бекзат Нұрдәулетов (86 кг) Сағындық Тоғамбай (92), Айбек Оралбай (+92). Сонымен бірге 5 күміс, 1 қола медаль еншіледі. Ал әйелдер құрамасы 5 алтын медальмен топ бастады.