ТҮРКІСТАН: Шегірткеге қарсы қосымша химиялық өңдеу жұмыстары қолға алынды

0
192

100 дана жер үсті техникалары және 6 дана ұшақ жұмылдырылды.


ТҮРКІСТАН: Шегірткеге қарсы қосымша химиялық өңдеу жұмыстары қолға алынды

Түркістан облысында Марокко шегірткесіне қарсы қосымша химиялық өңдеу жұмыстары қолға алынды, деп хабарлайды ERNUR.KZ.


Ауыл шаруашылығы дақылдарына келетін кері әсердің алдың алу үшін Қазақстан Республикасы Ауыл шаруашылығы министрлігі мен Түркістан облысы әкімдігі тарапынан шегірткеге қарсы қосымша өңдеу жұмыстарын жүргізу келісілді.


Биыл Түркістан облысы бойынша аса қауіпті Марокко шегірткесіне қарсы 260,0 мың гектар алқапқа химиялық өңдеу жұмыстары жүргізіліп, республикалық болжам орталығы анықтаған алқаптарға залалсыздандыру жұмыстары атқарылды.


Облыста жалпы өңдеу жұмыстары биылғы 16 сәуірден басталып, химиялық өңдеу жұмыстарына 100 дана жер үсті техникалары және 6 дана ұшақ жұмылдырылды.


Фитосанитариялық шаралардың жүргізілуіне 40 инспектор, өзге облыстардан 3 маман, болжам орталығынан 79 маман және аудан, қала әкімдіктерінен қосымша 245 анықтаушы қатысты.


Тиісті жұмыс жүріп, ауыл шаруашылығындағы үлкен шығындарға жол берілмеді. Биыл шегірткенің жер бетіне шығып, таралуы ауа райының салқын, жаңбырлы, желді болуына байланысты бір айға созылды. Шегірткенің залалсыздандырудан аман қалған шағын көлемінің қанаттанып, үйірленуі байқалуда. Сондықтан қосымша өңдеу жүргізілуде.