8 алтын, 5 күміс, 2 қола.
Түркістан облысының желкенді спорт шеберлері қазақстан кубогында 15 медаль жеңіп алды, деп хабарлайды ERNUR.KZ.
20-28 тамыз аралығында Қонаев қаласындағы Қапшағай су қоймасының акваториясында өткен Қазақстан кубогында Алматы, Түркістан және Маңғыстау облыстарының яхтшылары бақ сынады.
Жарыс қорытындысы бойынша Түркістан облысының құрамасы жоғары нәтижеге қол жеткізіп, жалпы 15 медаль иеленді: 8 алтын, 5 күміс, 2 қола.
Әр түрлі яхта сыныптарындағы чемпиондар:
"470 сыныбы" – Вакуленко Александр, Эргошханов Шодмонхужа
"Луч 2" – Чехомов Алишер, Зюзин Артем
"Луч Радиал" – Малахов Никита
"Луч Мини" – Әбдірахман Заңғар
"Кадет" – Малахова Кристина, Коваленко Полина
4 қыркүйектен бастап Түркістан облысының құрама командасы маусымның басты жарысына – Қазақстан Республикасының VI Жастар ойындарына дайындықты бастайды. Аталған дода 22-30 қыркүйек күндері Қонаев қаласында өтеді. Мұнда спортшылар жалпыкомандалық бірінші орын үшін сынға түседі.
