Биткоин бағамы алғаш рет 100 мың доллардан асты

0
436

АҚШ-тағы президенттік сайлауда Дональд Трамп жеңіске жеткеннен кейін биткоин бағасы бірнеше рет рекорд жаңартқан болатын.


Биткоин бағамы алғаш рет 100 мың доллардан асты

Фото:depositphotos.com / BiancoBlue

ERNUR.KZ. Биткоин бағасы тарихи максимумды жаңартып, алғаш рет 100 мың доллардан асты, деп жазады tengrinews.kz.

Криптовалюта саудасының көлемі бойынша ең ірі биржа Binance платформасында биткоиннің бағасы 7 пайыздан астамға өсіп, 103 мың долларға жетті. Астана уақыты бойынша, сағат 08:45-те криптовалютаның құны 103 153 доллар болды.

Еске сала кетейік, АҚШ-тағы президенттік сайлауда Дональд Трамп жеңіске жеткеннен кейін биткоин бағасы бірнеше рет рекорд жаңартқан болатын. Әлемдегі ең танымал криптовалюта жыл ішіндегі ең төменгі көрсеткіш – 38 505 доллардан екі есе өсіп, жоғарылады. Бұл Трамптың өз сайлауалды кампаниясы кезінде цифрлық активтерді қолдап, АҚШ-ты "планетаның криптоастанасына" айналдыруға және ұлттық биткоин қорын жинақтауға уәде бергенімен байланысты.