Белгілі болғандай, ер адам сәуір айында қайтыс болған.
ERNUR.KZ. А (H5N2) құс тұмауын жұқтырған бірінші адам 59 жастағы мексикалық ер адам болды, оның қайтыс болғаны туралы ДДҰ мәлімдеді, деп жазады zakon.kz.
Белгілі болғандай, ер адам сәуір айында қайтыс болды, бірақ бұл туралы қазір ДДҰ хабарлап отыр.
Ол құспен немесе басқа жануарлармен байланыста болған жоқ. Бұл жағдайда вирус жұқтыру көзі қазіргі уақытта белгісіз. Бірақ жалпы алғанда, Мексикада құс етінде A(H5N2) вирустары тіркелген.
"17 сәуірде науқаста дене қызуы көтеріліп, ентігу, диарея, жүрек айнуы және жалпы әлсіздік пайда болды, науқас 24 сәуірде "Исмаэль Косио Вильегас" ұлттық респираторлық аурулар институтына жатқызылды және сол күні оның жағдайының асқынуына байланысты қайтыс болды", - делінген хабарламада.
ДДҰ адамдар арасында вирустың одан әрі таралу қаупін төмен деп бағалайды. Сондай-ақ, наурыз айында науқас тұратын Мексика штатымен шекаралас Мичоакан штатындағы құс фабрикасында құс тұмауының A(H5N2) ошағы анықталғаны хабарланды.
Бұған дейін, 18 наурызда біз "Құс тұмауының эволюциясы: Қазақстандағы жағдайды вирусолог бағалады" деген үлкен материал жариялаған болатынбыз.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
