​Интернеті жылдамдығы бойынша Қазақстан әлемде нешінші орында?

фото: ашық дереккөзден

ERNUR.KZ. Интернеттің сапасын бағалайтын ұлыбританиялық Сable сайты интернеті жылдам елдердің рейтингін жариялады, деп жазады tengrinews.kz.

Бірінші орында Сингапур тұр, ал Швеция мен Дания екінші және үшінші орындарға ие болды. Төртінші орында Норвегия, одан кейін Румыния, Бельгия, Нидерланды, Люксембург және Венгрия болды. Қазақстан биыл бұл рейтингте 95-орында тұр.

Деректер 12 ай бойы бойы жиналған. Рейтингке 200 ел қатысқан. Сондай-ақ, сарапшылар елде интернетті орташа жылдамдықты қосқанда 5 гигабайттық фильмді жүктеуге қанша уақыт қажет екенін тексерді.

Рейтинг құрастырушылары бір жыл ішінде Интернет желісіне қосылудың орташа жылдамдығы 23 пайызға өскенін (және бұл, олардың пікірінше, керемет нәтиже) атап өтті.