Канада, Ұлыбритания және Австралия Палестинаны мемлекет ретінде мойындады

ERNUR.KZ. Канада, Австралия және Ұлыбритания Палестинаның мемлекет екенін мойындады, деп жазады stan.kz.

Палестина мемлекетінің мойындалғанын Канада премьер-министрі Марк Карни жариялады.

Ал Австралияда "тәуелсіз және егемен" Палестина мемлекетінің ресми түрде танылғанын премьер-министр Энтони Альбанезе хабарлады.

"Бүгіннен бастап, 2025 жылғы 21 қыркүйек, жексенбі күні, Австралия Одағы тәуелсіз және егемен Палестина мемлекетін ресми түрде таниды", – делінген премьер-министрдің мәлімдемесінде.

Еске сала кетейік, кеше Португалия Палестина мемлекетін мойындады. Франция президенті Эммануэль Макрон осы бірлескен бастаманың қозғаушы күші болып отыр. Франция мен Португалиядан бөлек, Палестинаны "Андорра, Австралия, Бельгия, Люксембург, Мальта, Ұлыбритания және Сан-Марино" сияқты елдер мойындайды, деп хабарлады француз президентінің кеңесшісі.

Егер бұл іске асса, БҰҰ Қауіпсіздік Кеңесінде Палестина мемлекетін бес тұрақты мүшеден төртеуі мойындайды. Ресей мен Қытай бұл қадамды 1988 жылы жасаған.