"Киевке соққы жасаймыз": Ресей Украинаға ескерту жасады

ERNUR.KZ. Бұл туралы Ресей Қорғаныс министрлігінің баспасөз хатшысы генерал-майор Игорь Конашенков айтты, деп жазады tengrinews.kz.

"Біз украин әскері Ресей Федерациясының аумағындағы объектілерге диверсия жасау әрекеттері мен соққыларын көріп отырмыз. Егер мұндай жағдайлар жалғаса берсе, РФ Қарулы күштері шешім шығару орталықтарына, соның ішінде Киевке де соққы жасайды. Ресей әскері бұған дейін мұндай әрекетке бармаған", - деді Конашенков.

Бұған дейін Ресей президенті Владимир Путин беларусьтік әріптесі Александр Лукашенкомен бірге "Восточный" ғарыш айлағына сапарында Украинадағы арнайы әскери операция жоспарға сай жүріп жатқанын және оның "түсінікті әрі асыл" мақсаттары орындалатынын, ал Ресей экономикасы Батыс санкцияларына төтеп беріп жатқанын айтқан еді.