Коронавирустың жаңа ошағына айналуы мүмкін мемлекет аталды

ERNUR.KZ. Ұлыбритания коронавирустың жаңа мутациясының ошағына айналуы мүмкін. Бұл туралы дәрігер Хилари Джонс мәлімдеді деп жазады Stan.kz.

Оның сөзінше, үкімет тұрғындарды жаппай вакциналау үшін бар күшін салуда. Бірақ пандемиямен күресу үшін басқа да шаралар қабылдау қажет.

"Бәрі екпе көмектесті деп айтады. Расымен де екпенің көмегі тиді. Соның арқасында аурудың ауыр зардаптары мен өлім жағдайлары азайды. Егер тек коронавирустың "альфа"-мутациясы ғана болса біздің жағдайымыз жақсы болар еді. Бірақ қазір елде анағұрлым жұқпалы "дельта нұсқасы" таралып жатыр", - дейды Джонс.

Дәрігердің сөзінше, алдағы уақытта Ұлыбританияда тәулігіне COVID-19 жұқтырған 50 мың адам тіркелуі мүмкін. Бұл коронавирустың жылдам мутацияға ұшырауына әкеледі.

Айта кетсек, 5 шілде күні Ұлыбританияда коронавирус жұқтырған 27 334 адам тіркеліп, тоғыз науқас көз жұмған. Елде ересек тұрғындардың 64 пайызына толық екпе салынған. Ал кәмелетке толған тұрғындар арасында вакцинаның бірінші дозасын 86,1 пайызы салдырған.