Қырғызстан мен Тәжікстан шекарасында әскерилер атысты (видео)

ERNUR.KZ. 27 қаңтарда кешкі уақытта қырғыз-тәжік шекарасындағы жағдай күрт нашарлады, деп жазады Tengrinews.kz.

Қырғызстан ҰҚК Шекара қызметінің мәліметінше, бейсенбіде сағат 17:30 - дан 18:00-ге дейін Тәжікстан шекарашылары Баткен ауданы Төрт-Кочо елді мекеніндегі Баткен-Исфан автожолының бөлігіндегі жол учаскесін біржақты тәртіппен жауып тастаған.

"Қырғыз Республикасы мен Тәжікстан шекара өкілдері арасында жүргізілген келіссөздердің қорытындысы бойынша жол учаскесі қайта ашылды. Алайда, сағат 19:35-те Тәжікстан тарапы Баткен ауданының Чыр-Добо елді мекеніндегі шекара бөлімшелері бойынша қару қолдануға байланысты жағдай нашарлады", - деп хабарлады ҰҚК баспасөз қызметі.
Қырғызстан мен Тәжікстан шекара әскерлерінің бөлімшелері арасындағы негізгі атыс Төрт-Кочо және Чыр-Добо елді мекендерінде өтіп жатқаны айтылады. "Тәжік тарапы минометтер мен гранатометтерді пайдаланып жатыр", - деп атап өтті ведомстводағылар.

Turmush мәліметтері бойынша, қырғыз-тәжік шекарасындағы қақтығыс аймағынан тұрғындарды эвакуациялау басталған. Шекара маңындағы тұрғындардың бірінші тобы президенттің Баткен облысындағы өкілетті өкілдігінің ғимаратына жеткізілген. Жергілікті билік эвакуацияланған адамдарға үй-жайларды дайындап жатыр.

Исфар мэриясының баспасөз хатшысы Зубайдулло Шомадовқа сілтеме жасаған Sputnik Тәжікстан хабарына қарағанда, Тәжікстан азаматтарының көліктеріне шекараның қырғыз жағынан тас лақтырылғандықтан жанжал туындаған.

"Оқиға көлік Сомониен ауылынан Чоркух джамоатына бара жатқанда болған", - деп түсіндірді ол. Кейінірек агенттік шекарада казармалық жағдай жарияланғанын хабарлады.

Қазіргі уақытта шекарада Тәжікстан мен Қырғызстан тараптарынан екі топ адам жиналған. Жағдайды қарулы күштер өкілдері бақылайды.

Сондай-ақ, атыс нәтижесінде үш тәжік әскері жарақат алғаны белгілі болды. Қырғызстан тарапынан зардап шеккендер туралы ақпарат түскен жоқ.