Мәскеуде қазақстандық әйел сәбиін сатпақ болды

Қазақстандық әйел жасқа толмаған баласын Мәскеуде сатып жібермек болған, деп хабарлайды sputniknews.kz Ресейдің Тергеу комитетіне сілтеме жасап.

Желтоқсан айында Алматыда тұратын 33 жастағы әйел Желіге 2017 жылғы ұлын асырап алатын ата-ана іздеп жүргені туралы жазыпты. Материалдық өтемақы ретінде 20 мың АҚШ долларын сұраған екен.

Бейсенбі күні 5 сәуірде әйел баласын алып, Мәскеуге барады. Сәбиді сатып алушылар рөлін жедел қызмет өкілдері атқарған. Әйел баладан бас тартатынын жазып беріп, ақшасын алу үшін мәскеулік банкке аттанады. Сол жерде тәртіп сақшыларының қолына түскен.

"Тергеу барысында баланың әкесі кім екенін анықтап, жауап алу үшін Қазақстаннан құқықтық көмек сұралмақ", — делінген хабарламада.

Сәби қазір балалар үйінде, өйткені Ресейде ешбір туысы жоқ.