​Мұғалімдерді халық әртісінің қойылымына билет сатып алуға мәжбүрлеген

ERNUR.KZ. Өзбекстанның Жизақ облысы Дустлик ауданындағы мектептердің мұғалімдері халық әртісі Мурод Раджабовтың театрландырылған қойылымына билет сатып алуға мәжбүр. Бірақ бұл билеттерде қойылым өтетін күн көрсетілмеген.

Дустлик ауданындағы мектептердің бірінің мұғалімі директор ұстаздарға 8 мың сумнан (10 доллар) халық әртісі Мурод Раджабовтың театрландырылған қойылымына билет сатып алуға мәжбүрлегенін хабарлады.

"Қала мектептерінің мұғалімдері қойылымға баратын шығар, бірақ оны ауыл мұғалімдеріне сатудың не қажеті бар?", – деді ол.

Ұстаздар бұл билеттерде қойылым болатын күн көрсетілмегеніне шағымданып отыр.

Аудандағы мектептердің бірінің директоры аудандық білім басқармасының бұл тапсырмасынан бас тарта алмағанын мойындады. Бірақ білім басқармасы билетті мұғалімдерге мәжбүрлеп сатқан деген ақпаратты жоққа шығарып отыр.

Дереккөз:centralasian.org